美食 ♥ 蘭桂坊 Common Room 震撼性出場令人驚嘆的火焰雪糕
朋友仔中環飾物店新店開張, 探完朋友之後當然食返餐啦~
近近地我地選了位於中環蘭桂坊的 Common Room
係樓下經過覺得幾靚就想入去坐下~
環境寬敞舒適, 一邊設有酒吧台, 岩晒 Happy Hour
另一邊是舒適架位, 我們就選了坐這邊
餐廳正在推廣三款水果酒
夏沫點了 Sunset Boulevard
本來叫了走酒精, 可惜最後他們忘記了~
還以為沒酒精又覺得很好味, 就快快飲了半杯, 哈哈~~立即見紅...塊面
就知道有酒精啦~夏沫全身發熱, 足足熱了半小時, 哈哈~~每次飲酒都會這樣
平時很少吃木瓜, 覺得隻味怪怪地, 但知道有營養,
今次加了蘿蔔汁及 Honey Caramel Syrup 易入口好多啊~不禁一口氣飲了半杯
小雞槌 Chicken Lollipops $98
炸香的小雞槌, 肉質嫩, 就咁食已經覺得好好味, 不太咸不太膩
點一下楓蜜就更加滋味
龍蝦濃汁扁意粉 $178
至愛龍蝦既我其實好想食, 不過見到唔夠分, 都係放棄了~
下次還是和蝦子餅來再吃吧~
扁意粉帶點香辣, 而且吸了龍蝦濃汁的扁意粉特別鮮味, 食到少少辣的不防一試, 唔錯
小堡拼盤 Slider Combo $98
全晚最鍾意就是這道菜~
本身很喜歡吃包的, 再加上這道小堡拼盤竟然有龍葵菇、鵝肝、和牛及牛油果
全部都是夏沫最喜歡的食材, 好想一人獨佔, 哈哈~~
看見龍葵菇仲大過個包, 所以先吃龍葵菇小堡, 厚實龍葵菇配上牛油果及醬汁
第一口會覺得醬汁有點太濃, 但配合漢堡包一起吃就剛剛好, 好滋味呀~
吃完龍葵菇小堡便急不及待試試和牛鵝肝小堡
入口已感覺慢慢溶化在口中的和牛和鵝肝, 最正是沒有油膩感,
和牛味道在口腔中不停徘徊, 久久不散, Yummy
經典芝士凝乳薯條 Classic Cheese Curds Poutine $118
聽說是經典美加小吃, 平時吃薯條加芝士, 通常都係將芝士和薯條溶合一起來吃
但這裡是將自家製芝士凝乳一塊塊放在薯條上, 配上厚切薯條邊吃邊享受芝香
而且一塊塊芝士放入口連薯條一起咀嚼, 原來更有口感~又軟又硬的~
香煎墨魚 Sauteed Squid $108
墨魚一口吃下, 鮮味彈牙, 自然地又再夾一件放進口中, 哈哈~~
煎香的墨魚太鮮, 好正~最鍾意食爽口彈牙既食物
麵包上的意大利黑醋, 看到都想食, 不過得兩塊咋, 所以就讓給朋友了~
火焰雪糕 Cryo-Fried Vanilla Ice Cream $88
好多間餐廳都會有火焰雪糕, 但從未見過大過拳頭嘅火焰雪糕
灑上白蘭地後點燃一刻, 洪洪烈火即時燒得火紅紅
差不多燒了 20 秒左右再淋上紅桑梅醬就可以食用啦~
外面熱辣辣, 入面凍冰冰, 感覺好特別~
而且估唔到個雪糕大成咁~哈哈~~
夏沫有專登拍片架, 同大家分享下~^^~
中環 Common Room 大過拳頭嘅火焰雪糕
棗蓉布甸 Sticky Date Pudding $88
聽到棗蓉就想起蝦子餅, 他最怕吃太甜的棗蓉
和朋友一起, 當然要點來試試, 沒想到樣子似 Brownie 但卻沒有 Brownie 般厚實
一口咬下, 感覺到一層層的, 好鬆軟可口
謝謝大家來看LoveCath夏沫的文章啊~^^~
Catherine (LoveCath夏沫),
電郵 love.cath@yahoo.com.hk
Facebook ~ http://www.facebook.com/cath.lovecath
Fans Page ~ http://www.facebook.com/lovecathcath
分享平台 Blog
http://cathcath.theztyle.com/ (主要)
http://blogazine.beautyexchange.com.hk/?140958
http://itrial.hk/person.php?uid=7790
http://beauty.qooza.hk/u/LoveCathCath
http://blogs.elle.com.hk/LoveCath/
http://www.ubeauty.com.hk/member_blog/lovecath
http://www.weshare.hk/lovecath
http://www.lovecathcatherine.tumblr.com
http://www.openrice.com/restaurant/userinfo.htm?userid=758718
留言列表
