LoveCath 夏沫的泡沫世界

可帶寵物的佐敦。格調 HARA 西 x 日式料理

宅在家幾個月，終於決定係農曆生日出街食飯。行過佐敦見到 HARA 呢間餐廳新開、環境好空曠、空氣好流通、感覺幾舒服咁，就決定入去試吓。

 

 

入口位置會見到一整幅三位高嘅植物牆。植物牆前的長木枱(日本楠木)專程由日本訂做。原來呢個半戶外嘅用餐區，係可以比客人帶埋寵物一齊黎享受用餐架。好貼心啊。

 

 

抗疫期間，見到啲枱與枱之間分得好開，感覺上食得安心啲。睇睇餐牌見到有各式各類日式刺身，又有意大利飯。原來係一間西式加日式嘅 modern fusion 餐廳。一次過可以滿足兩個要求。

先來了小前菜，打開胃口。

 

話晒慶祝生日，叫返支大吟釀慶祝吓先。

我哋點左日本「京姫 一酌一景 大吟釀」。

 

 

一啖冰凍清甜既大吟釀，特別得我歡心。柔和口感，特別岩女仔飲。

 

 

「手羽」必點食物。我們都是雞翼控。香口和調味料的香味讓人愛不釋手，是絕佳的下酒菜。

 

 

「吞拿魚腩刺身」口感入口即化，油香四溢而又鮮甜無比，完全不膩。好想一吃再吃。

 

 

「牛油燒北海道扇貝」一隻日式碟盛放著一隻大扇貝，職員輕輕在旁點火，讓北海道扇貝在熊熊烈火之下散發着香味。特別配製有少少微辣醬汁在扇貝頂部，入口先來一陣刺激嘅微辣味，再帶來鮮甜多汁嘅鮮味。

 

 

「伊比利亞黑毛豬T骨扒」肉質細膩、滑潤有彈性，肉質微甜而不膩。點埋特製醬汁更能帶出肉味。

 

 

「烤紐西蘭原排嫩羊鞍」羊鞍位置是肉質最嫩的部位，肉質非常嫩滑鮮甜。五成熟，剛剛好。

 

 

「炸香蕉蘸肉桂糖伴雪糕」未食過炸香蕉嘅我純粹好奇想試吓， 點知咁鬼好味。雖然賣相略為普通，但炸香蕉外層的薄脆，炸漿混合得啱啱好，好薄好脆口。平時食炸嘢都會將啲炸皮切開唔食，怕肥。但今次忍唔住啦，加埋香蕉嘅甜味一齊食，外脆內軟配合得天衣無縫。就是很喜歡這味道。

 

 

「紅豆綠茶雪糕」估唔到都幾大杯。採用日本紅豆，軟綿綿紅豆味濃郁。

 

今餐實在好滿意，下次同班姊妹再嚟過。

 

HARA

地址: 尖沙咀官涌街 3-5 號地下

 

謝謝大家來看LoveCath夏沫的文章啊~^^~

Catherine (LoveCath夏沫),

電郵 love.cath@yahoo.com.hk / lovecathcath@gmail.com