至愛深層清潔~冰河泥~Nu Skin－LoveCath 夏沫的泡沫世界

至愛深層清潔~冰河泥~Nu Skin

趁住新年假期, 等 D 皮膚都休息下~夏沬要為皮膚做個至愛既深層清潔~

呢支係係 Nu Skin 買既潔膚冰河泥, 係用黎深層清潔肌膚最底層, 如果你感覺到想生豆豆時, 只要用下佢, 咩污衊野都會走出黎, 豆豆就冇咁易生架啦~不過因為係深層清潔, 夏沬建議大家先用個保濕 mask 敷一敷先好用, 因為抽污衊野既同時, 都會抽走少少水份, 如果您本身皮膚比較乾, 就一定要敷mask 先~

一支可以用好鬼耐, 所以好抵用~唔可以做太密, 最盡一星期一次好啦~睇到 D 相, 你會見到好快就乾, 最快乾既地方, 代表個個部份皮膚都特別乾, 咁平時就要加倍保濕啦~

個程序係, 先洗面, 之後敷個保濕MASK, 之後用冰河泥搽滿全面, 你亦可以只搽有需要既部份, 之後等佢乾, 大約 5-10 分鐘左右, 一般都乾晒, 要視乎你本身皮膚乾唔乾, 之後你會見到有裂痕, 唔洗擔心, 因為應該同時都感覺到猛猛緊, 等到乾晒會變左淺綠色, 咁你就可以去洗面架啦~皮膚即時乾淨晒~之後你就搽返平時既護膚品就可以架啦~